Paroisse-Kibilizi-Corriger

UBUHAMYA BWATANGIWE MURI PAROISSE YA KIBILIZI  KUWA  25/09/2016 

Nyuma  y’  icyumweru  cyose  twari  tumaze  muri ya Paroisse  ya  Kibilizi    mu  ivugabutumwa,   abakristu  bamaze  kumva  no  gusobanurirwa  uko  urukundo  rwabuze  mu  bantu  bityo  bakiremamo  ibice  bamwe  bakica  abandi ku  rugero  rurenze  bigafata  izina  rya  Gènocide  yakorewe  Abatutsi,  ibyabo  ndetse  n’uwo  bavuga  rumwe  kwari ukurwanya  Imana  yaremye  abantu.  Bamaze  gusobanurirwa  ububi  bw’ibyo  bakoze,  baganirijwe  uko    uru  rugendo  rwo  kwiyunga  n’Imana  ndetse  n’abo  bahemukiye  bo muri  Paroisse  ya MUSHAKA  uko  rwakozwe  nabo  ubwabo  bahita  bafata  icyemezo  cyo  gukora  urwo  rugendo  bigorora  n’Imana  ndetse  n’abo biciye nyuma yo kubacuza utwabo. 

Nyuma  y’inyigisho  imara  icyumweru  igasozwa  na  Misa  yo  gusabira  ibikomere  byatewe  na  GENOCIDE  n’ingaruka  zayo  zayo,  dore  ubuhamya  bwatanzwe  n’abakoze  urwo  rugendo  rutoroshye na buke.  

1. Frédéric    wagize  uruhare  mu  iyicwa  rya  Musaza  wa  Thaciana  ubwo  yahabwaga  amafranga  5000  ngo  ajye  gushaka  Umupolisi  wo  kumurasa  ngo  ye  kwicwa  n’amahiri,yemera  ibyo  yakoze  kandi  arabyivugira,  uyu  mugabo  yishe  abana  2    b’uyu  mubyeyi    muri  gacaca  yarabahakanye,  ariko    kubera  izi  nyigisho  yahawe  arasaba uyu  Thaciana  imbabazi yiyemerera ko azerekana aho yabataye. 
2. MBARUSHIMANA  Noël  wishe  abantu  6  bo  mu  muryango  wa  Liberta  NIYONTEZE,aramusaba imbabazi,nawe arazimuha.  Nyuma yo  kumuha  izo  mbabazi yamuhaye umwana amumubyarira muri Batisimu, ntibyarangirira aho amuha n’inka ngo  abone agafumbire dore ko uyu MBARUSHIMANA atari yishoboye. 
3. HABINSHUTI  Célestin  wivugiye  ko  yagiye  mu  bitero  byagabwaga  kwa UWIMANA Anne Marie, mu  makuru yatanze muri gacaca, avuga ko  atandukanye n’ayo  atanze nyuma y ‘uru rugendo, ubwo muri gacaca yavuze ko yishe abana b’uyu mubyeyi  akoresheje ubuhiri, uyu munsi akavuga ko yakoresheje umuhoro akaba asaba imbabazi,  UWIMANA  Anne  Marie.  UWIMANA  Anne  Marie  nyuma  yo  kumenya  gukoresha  urufunguzo rwe rwo gutanga imbabazi, niwe wafashe iya mbere ajya gutanga imbabazi  kuwamwiciye ariwe HABINSHUTI Célestin. 
4. NDAYISENGA  Védaste  yishe  SE  wa MUKANYANGEZI  Jacqueline  ndetse  na NYIRARUME  abatwitse,  yatwaye  imitungo  y’abo  bose, nyuma  yo  kumenya  gukoresha  urufunguzo  rwe amuhaye imbabazi. 
5. Mukashema  Marciana  uyu  mugore  si  we  wakoze  GENOCIDE  ni  umugabo  we,  yaje  guhagarara  mu  cyuho  cy’umugabo  kuko  yamuhunze ntabwo  azi  amarengero  ye,  abo  umugabo we yiciye arabasaba imbabazi NYIRASHYIRAMBERE Annonciata, arazimuhaye  amusaba  no  kugaruka  muri  Kiliziya  dore  ko  uyu  mubyeyi  usaba  imbabazi  mu  cyimbo  cy’umugabo we yagiye mu Barokore (Pentekote).
6. KABERA Marc arasaba imbabazi uwo yiciye ariwe NIBAGWIRE Concilia   yishe Musaza we  amwicishije ubuhiri, NIBAGWIRE Concilia azimuhanye amarira menshi.
7. SIBORUREMA  François  asaba imbabazi  afite  isoni  nyinshi  abo  yiciye  muri  GENOCIDE  ndetse n’umutungo  wabo  yasahuye  aribo:  MUKANKUSI  Espérence  na  UWAMARIYA  Sélaphine    bitewe  n’uburyo  asaba  imbabazi    barazimuhaye  nta  kwisubiraho. MUKANKUSI  Espérence    nawe  ati”  naramutinyaga  cyane  iyo  twabaga  duhuye  ngo  arongera anyice, kuva uyu munsi dutangiye ubuzima bushya kuko we yari amaze imyaka  20  atagera  muri  Kiliziya, yibukaga  intebe  yicayeho  asezerana  akumva  asubiye  bubisi  afashe  icyemezo  cyo  ku  garuka  muri  Kiliziya,  yari  amurimo  umwenda  yamwishyuzaga   w’amafranga  ungana  n’ibihumbi  ijana  «100000  Frs»    arawumubabariye  ntazawumwishyure. 
8. MUKARUSHEMA Année Marie arashimira  Imana yamukiriye umwana we ndetse nawe  ubwe  akavuga  ko  ayishimira  kuko  yamukijije  ubwoba  bw’umutima  yajyaga  akunda  kugira. 
9. NIYOMUGABO  Jean Baptiste  nawe arashimira Imana ko yamukijije kutumva ubwo iyo  ndwara  yaje  ari  mu  ishuri  yiga  yiteguraga  kuzakora  ikizamini  cya  Leta  gisoza  icyiciro  rusange  TRONC-COMMUN kutumva kwe byajyanaga no kutavuga 
10. NYIRINGANGO Joseph wari umaranye igihe kirekire uburwayi bw’akaguru nawe yagakize  ari kubyina ashimira Imana. 
11. Jeanne  wari  urwaye  indwara  yo  kubyimba  amaguru  ndetse  arwaye  n’igikanu  nawe  arashimira Imana ko yamukijije. 
12. Brigitte  we mu buhamya atanze avuga ko yakize indwara ya ASIMA, ndetse akavuga ko  ababariye abantu bose bamurimo umwenda  cyane cyane abamusahuye.
13. UWAMARIYA  Therese  kubera  ingabire  y’Imana  abonye  muri  iki  gitambo  cya  Misa  cyo  gusabira  ibikomere  byatewe  na Genocide  ndetse  n’ingaruka  zayo  atanze  imbabazi  ku  bantu bose bamwiciye. 
14. Annonciata nawe atanze imbabazi ku bamwiciye kuko asanze ko imbabazi atanga Atari  ize  ahubwo ari iz’Imana, yahoraga yigunze ariko kugeza ubu yiyumvisemo ko agomba  kubarira yumvise aruhutse kandi muri we agize ibyishimo atarasanganywe. 
15. HABIMANA  nawe  atanze  imbabazi  ku  muntu  wari  umurimo  amafranga  ibihumbi  ijana«100000 Frs». Akomeza avuga ko yakize indwara ya ASIMA, kureka ibiyobyabwenge  cyane inzoga, ibyo byose byamuteraga no kuba umusazi. 
16. NYIRAMINANI  Agnès we  ubuhamya  bwe  avuga  ahamya  ko  Imana  yamukirije  muri  Paroisse  ya  Rango  ikibyimba  cyari  mu  mayasha,  akomeza  avuga  ko  yari  umunywi  bikamuviramo  gutongana  n’abantu  abasaba  imbabazi  ko  kandi  afashe  icyemezo  cyo  kureka inzoka. 
17. MUKABAHIZI  Alivera  ati  njyewe  nari  narivuje  mu  mavuriro  atandukanye  ndetse  no  mubapfumu  nagezeyo  ariko  sinakize  indwara  yanjye, ariko  ubu  ndashima  Imana  ko nakize indwara  nari  ndwaye yagenderaga ku mbago ebyiri ati ariko  ubu  ndi kuri imwe  nayo ndayivaho vuba. 

18. Anastasie  we  yafashe  icyemezo  cyo  ku  garuka  muri  Kiliziya,  yari  yarahunze  abavandimwe  be,  ariko  afashe  icyemezo  cyo  kubasanga  akabasaba  imbabazi. Indwara  yarwaraga  harimo  n’umutwe  wamuryaga  rimwe  na  rimwe  agasara    mu  ndwara  rero  zakize nawe yumvise bamuvugamo kandi niwe bavugaga. 
19. Marie  Rose  we  ati  nakize  impyiko    ndetse  no  kwishimagura    ndetse  aboneraho  no  gusaba imbabazi ku bantu babanaga bahora batongana. 
20. HABAGUHIRWA  Console avuga  ko  yakize  igisebe  ndetse  n’ijosi  yari    amaranye  iminsi  arwaye. 
21. MUSHIMIMANA  Josiane  yakize  kutumva  mu isengesho  ryabereye  muri  Paroisse  ya  Rango, ndetse avuga ko yakunda kugira ubwoba none akaba yabukize.
22. NYIRANSABIMANA Godence yakize umugongo, kandi yari amaze kubyara inshuro ebyiri abazwe none akaba yahumurijwe ko atazongera kubyara abazwe. 
23. NIYONSABA  Jeanne wari  ufite inkovu mu mutwe ya Genocide idakira yakize, yahoraga  arwaye imbavu none ntabwo zikimurya. 
24. NYIRABITITAWEHO Annee Marie yakize kutumva, yakundaga gurwara igifu, ibihaha ariko  ubu  ari kumva  ameze  neza, akaba  atanze  imbabazi  kuri  Muramukazi  we  ndetse  n’umugabo we. 
25. HAKIZIMANA  Robert arahamya ko Yezu ari  umukiza yamukijije ikibyimba yari afite mu  kwaha . 
26. NYIRAMINANI Consolata  yabonye  umutima  wo  kubabarira  abamuhigaga  mu  gihe  cya  Genocide, yifuje kandi kugarukira Imana . 
27. Vestine  waturutse  muri  Paroisse  ya  Magi  arashima  Imana  ko  umwana  we  yatangiye  gushaka  kwicara  yari  amaze  amezi  icyenda  ataricara  kandi  agahamya  ko  n’ubwo  atararya bwose azarya. 
28. MUKAGATARE Agnès yakize ububabare yagiraga cyane bwo mu nda. 29. MUKARUTABANA  Marta  we  avuga  ko  yakize  umutwe  wahoraga  umurya  ko  ari  guhumeka neza. 
29. MURANGWAYIRE  Francine  yakize  ubwoba  yakundaga  kugira,ikindi  ni  uko  yabonye  umutima wo kubabarira abamuhemukiye bakamusahura muri Genocide.